戲‧迷‧情‧人

燦爛到不行：Concert YY 黃偉文作品展第一場

2012-02-09T14:04:00.000-08:00

無諗過會唔好睇，但無諗過會咁好睇。

知道還有很多朋友未睇，所以spoilers都會另開一篇寫，大家可放心讀下去，雖然面書和微博上已有極多相關報導及圖片。

看完這個Concert，我發覺女性其實是非常幸福的。或者應該說，是可以非常幸福的。因為，女性可以有multiple orgasms，而看這場演唱會，我真的真的，有感覺到高潮迭起，有幾下猶如心臟病發呼吸困難腦袋一片空白感到腦部在頭殼內迴旋，不用問如何留得住高潮，因為第一波未完下一波又襲來了。真的，你以為已經係全晚高潮啦，然後你發覺部升降機根本未到頂，仲有得上。

係，我知我係Y先生fans，係會有少少少少偏心，但係你問任何一個唔係fans的觀眾，這一場作品展，真是無得彈的。除非，除非Concert YY開Part 2（機會不大），否則我相信，10年內都不會有咁好睇的演唱會了吧？Gaga和Madonna會極盡視聽之娛，我們可以很高興的一起Ra ra oh la la，但能夠夭中我的心肺、記錄我這麼長大過的，只有Y先生。

這個Y先生的精選集，其實是近十幾年廣東歌壇的一個精彩小總結，表演單位粒粒星之餘，那些歌啊，那些故事啊，都是我們的成長領悟愛情和回憶，我們之中有誰不是先從歌曲中經歷過暗戀初戀苦戀失戀，才在現實生活中試過痛愛試著心淡？有誰沒在最佳位置耿耿於懷地當過牆紙？談過的戀愛，大部份章節都是Y先生的歌給我做配樂的。我知道樂壇盛世是八九十年代，曾經有想過，如果能經歷一下那個黃金盛世，多好，但我真的真的很慶幸，我是活在有黃偉文的世代，你其實真係好好！

舞台設計、道具、歌手造型都好得好得，有好幾位令我有驚艷感覺（下回再談），但想特別讚一下燈光效果，非常非常漂亮，好特別而且非常配合歌曲，燈光設計(還是舞台總監？)好厲害！多謝你地呀！

若要雞蛋裡挑骨頭，歌詞顯示器有少許錯別字，記得的有Eason《沙龍》「人生並非虛耗」的「並」變了「并」、（應該是）《時代曲》其中一個「奈何」變了「耐何」（查過有「沒耐何」這寫法，但我記得同一首之前一段chorus寫的是「奈何」），還有（沒記錯的話）《你沒有好結果》唔知「自卑感」定「無依感」的「感」字隔開了去了一下句的開頭，因為知Y先生不喜歡字幕出錯，可能可以在餘下場數更改。

最後題外話一則，有人可以令你整晚高潮，亦有人能令你感受什麼是冷感。今晚旁邊一個跟男伴同行的女觀眾，全晚方向面，不斷whatsapp，極不投入猶如死魚，然後向在歡呼拍掌的我和其他觀眾投下奇怪目光。我自問是非常通氣的觀眾，看電影絕不高談闊論，看concert也知大家來是聽歌手唱歌，除了「大家一齊唱！」的環節也不會跟著歌手唱，只會趁歌手唱完時才拍手叫囂以示支持，除了覺得她極不尊重場合，亦為其男伴難堪無癮，假設他在追她，建議施主回頭是岸，因為當那男生拍掌歡呼時，女方連佢都啤。若要人愛，要先令自己可愛，整天方向面，是會令人見到後依照指示調頭向西行的哦。

准許我不顧一切戀愛當工作好嗎

2012-01-10T13:55:00.000-08:00

曾經有朋友對我說「你條事業線好靚喎！」

當然，說的是我的掌紋，而那是個事業線還未如此形象化地佔領雜誌封面的時代。現在呢，其實事業線真的好駛過事業線，又或者，事業線有助事業發展。

對於風水命理之事，我一向都是「好就信，唔好嘅聽完就算」，當年的我聽了，不是沒有開心的，朋友說這麼長的事業線代表事業會很長壽（即是有排你做？）然而做左咁多年人，都清楚自己不是事業心旺盛的人，所以每次跟朋友提起此事，都不免老土又帶點衷心的補上一句，「梗係講緊戀愛係我嘅終身事業嘞！」

而原來這說法一早被寫進歌詞裡了。在網上聽一張tag了「黃偉文」的歌單，聽到其中一首，咁熟嘅？

原來是梁漢文的《我的志願》，收錄於1997年（！）專輯《偷吻》，而我當年是買了回家的。14年前（！！）聽，我沒留意是誰填的詞，但當年還真的久不久要在作文堂寫「我的志願」的我，就覺得「極大路志願作文裡敘述過在學校裡面醫生與警察已經太多」寫得又特別又厲害。雖然近來已經變得比較理智，但愛情和事業，我還是會選前者的；「全職戀人」（不是援交）也確實是曾經想過的理想職業。

很早以前就想寫寫一些對我有特別意義的Wyman作品，但一直都懶，到知道會舉行Concert YY，就想不如趁踏入新一年，一日一首黃偉文來倒數吧？那當然像每年的新年願望一樣，都是講多過做。8號時我想，9號寫第一篇吧，剛剛可倒數一個月，最後工作忙，沒寫成，但已想好部份歌單，我本來以為第一首會是《最佳位置的》。到今日，碰巧聽到這一首，就寫了。我們定下的計劃，跟我們寫下的志願一樣，很少會依設定路線前進，但有時候懂得欣賞沿路風光，比到達目的地重要，一切隨心開心就好，讓我繼續全職發夢。

值得擁有

2011-11-22T04:19:00.000-08:00

其實一直很懶護膚，因為…就是因為懶吧，而且在家工作，「唔駛見人」就讓懶人更懶。

身邊的女孩說過了25歲，皮膚真的差了很多，暗瘡之類是久久不退，
本來一直都只是同聲一嘆就算，但近來洗完面，真的真的覺得殘了很多
因為之前有一排連洗面膏都無用(！其實殘是抵你的吧…但我有用cream的）
為了急急補救，就也用了Toner。

Toner呢，其實我一直都不太清楚究竟是有什麼用的
洗完面不是保濕就行了嗎？有朋友就那是用來洗去殘留的洗面膏，但又有說是用來保濕的
個人來說一直覺得它相當曖昧就沒理會它了

這支Toner其實是之前玩L'Oreal的網上遊戲的獎品
既然有，就試試用吧，又因為它只自稱是「能量保濕水」，我一直在想它是Toner還是Moisturizer呢，又疑惑了好一陣。最後我是當它是Toner用，用後再塗保濕，用了，不知是心理作用還是因為洗面膏+Toner+保濕三管齊下，真的覺得皮膚潤了，其實可能是太久沒打理自己吧，也可能只是「要好好打理自己」這心態帶來的神奇作用，但總之那次之後我有很勤力的用它，感覺用了就滋潤了很dry的生活orz。

L'Oreal賣的，就是「你值得擁有」，我想其實生活很dry也好，很精彩也好，好好打理自己讓自我感覺良好也是很必要的，因為whatever shitty things life throws at you，你也可很漂亮的迎接它吧。是，我知我用了之後不會變了吳彥祖（曾經被初戀情人這樣笑，我到現在還記得，當年用的是L'Oreal的洗面膏，好像是男士護膚系列剛launch的時候），不過呢，感覺良好的自信，是人人都該擁有的。

《潮媽都市日記》：City with minimal Sex

2011-11-13T10:12:00.000-08:00

看了《潮媽都市日記》(I don't know how she does it)，基本上是在《Sex and the City》第一季的平行宇宙中，Carrie做了Miranda；說是第一季，是因為拍攝手法，看了你就會知道。而每次Carrie，不，是Sarah Jessica Parker講VO、用電腦、說出一個'Big'字，都讓人想起SATC，I couldn't help but wonder，不如直接叫Mr. Big演男主角吧。

戲本身其實普通，像一套無靚衫和無咁Dramatic無咁Mean的《The Devil Wears Prada》，又或是沒什麼Sex joke的Miranda故事線。沒有了Sex的City...就是City囉，我自己已有一個了，我也不是期望這是另一套SATC，而戲亦不是不好看，但就是樣樣都OK，沒什麼亮點，又好像在不斷重複講同一堆事…相信在職父母會更有共鳴，不然其實可以等出碟的。

字幕有好些pun都譯得不錯，地道而且自然，但有一句不是pun位的對方譯錯了吧？又，很喜歡港版海報上的tagline「女人多事幹」。美國版海報的'If it were easy, men would do it too'也很幽默。

How to...

2011-11-08T04:27:00.001-08:00

在Yahoo首頁的「知識」見到「如何挽留一個人」，非常那誰，我彷彿聽到卓韻芝的讀白。也許曾經愛得太卑微，也許我面皮薄，也許成熟了，現在覺得放手真的就是最後的溫柔。如果一個人令你覺得要去挽留，就算你成功了，也真的只是挽留了那個人，留不住他的心。愛是不保留，愛是不挽留。

(Drama Queen耍花槍其實想你tum的除外，但這類人建議可以不挽留)

芝士戲：未世凶煞 Cloverfield

2011-11-05T05:40:00.000-07:00

今晚明珠930播《未世凶煞》Cloverfield，剛想在這裡賣下廣告時，發現「未世凶煞」上了Yahoo熱門搜尋，為什麼呢？

當年看完後也在Facebook推介過，外界對這電影反應頗兩極，一係覺得好得，一係不斷話手搖鏡的拍攝手法睇到頭暈，可以算是芝士戲吧？本人是頗喜歡的，導演JJ Abrams用很創新的手法去拍一個可以很公式化的怪獸襲紐約故事，而最厲害的是電影以外的Virtual Marketing，每個角色也有自己的My Space專頁，又有很多的蛛絲馬跡，去讓你推測當晚究竟發生了什麼事，又是什麼導致一切的發生，但似乎很多相關網頁都關閉了，大家如看完電影可到IMDB Cloverfield的FAQ看看。

先到先得

2011-10-24T12:11:00.000-07:00

因為之前朋友說「如果你鍾意Friends就一定鍾意」，最近在看How I Met Your Mother。劇是好看的，但沒有Friends那麼入心；劇是好笑的，但就是沒Friends那麼好笑。獨立來看，它非常不錯，不然我不會幾天內看到第四季幾乎什麼工作也沒做，但人往往就是喜歡上同類型的東西，然後拿來跟之前的比較，於是新的往往就不及舊的那麼入心那麼能逗你笑了。第一次總是最毫無防範中門大開，於是對方就這樣住下來落地生根了，到劇終了它還是留在神壇上，讓後來者望塵莫及。有時候不是舊的特別好，只是時間讓它蒙了塵，為它添了重量吧。

你乾燥嗎？

2011-10-03T09:44:00.000-07:00

友人在面書私信我，問我近況如何dry唔dry。

可能慣了在msn打什麼都加句「haha」和「wakaka」，我很順手就回了「very dry ar, wakakakakaka」。都已經dry到自己沒什麼特別感覺，好像說一句「哎呀我呢排肥咗呀」那麼自然。雖然這種天氣很適合擁抱，雖然身邊很多人都在戀愛，或者有對象，而自己卻乾過乾衣機，不過，就算dry，有一兩句笑聲傍身，其實都可以很滋潤的。wakakakaka。

假如這是真的

2011-09-27T08:52:00.000-07:00

某雜誌今日圖文並荗報導許廷鏗在公園與情人熱吻，說他狂吻斷正，又令少女夢碎，因為跟他「狂吻」的是男子。

先利申一下，沒追看超級巨聲，所以一向對許生沒什麼愛惡，也所知不多，只覺他唱歌像含著粒欖核，歌曲頗K，但都頗好聽。其餘的印象包括跟張敬軒傳過緋聞，但感覺煲水。啊，還有他是讀牙醫的。

好了，其實娛樂雜誌報導，有幾多成真呢？那幅「斷正」圖，其實又有多斷正呢？只是有兩個頭堆在一起而已。事件今天見報，剛剛見到有人轉述，經理人表示許廷鏗當時喝醉了。

For argument’s sake，假如，假如，許生真的是同性戀，而且跟他「狂吻」的，真是他男友。

娛樂圈，這麼講求talent、創意和表演慾的環境，有同志，有什麼出奇？但一向雜誌都只會指藝人「性向成疑」，也似乎有某些不成文規定，大家都只會陰啲陰啲暗示，很少這樣擺上台明刀明槍話人gay的。假如報導屬實，那麼這雜誌實在非常陰質，已超出了「破壞形象」或「打爛人飯碗」的範圍，而是迫人出櫃，這對於同志而言，其實是很難很難踏出的一步。他們除了要煩怎樣向公眾交代，更難的是怎樣向家人解釋吧。人人都有些實在開不了口的秘密的，而在香港，這個聲稱是國際都會，但其實觀念極保守的社會，任何跟性有關的東西都名副其實是「不能說的咪咪」，大家想像一個你最不想被人知道的fetish，被人知道了不特止，還要被你家人知道了，你要怎樣向阿爸阿媽解釋雙方同意的SM是增進情趣的行為，或者穿著尿片行房對旁人沒傷害？

假如這是真的，其實有助他開拓一個新市場，那些原本只覺他得個樣的，見他戀上雜誌形容的「嫩版陳奐仁」，會覺得「OK喎，佢係欣賞內涵架喎」，而且仲要係中學拍到依家，high school sweetheart，試問大家在現實中遇過幾多個喜歡你內涵、中學拍到入大學都未散、拍左咁多年拖都仲會同你逛公園仔食蛋糕仔sweet sweet的好男仔？現實喎，唔係韓劇喎！

這其實真是一次很好的公關練習，現在的「喝醉了」似乎是不錯的說辭，我們都善忘，過幾天記憶就會被新的巴士怪人片或任何人流出的新淫照覆蓋了，但假如，假如報導屬實，只希望他大大方方的見招拆招，那些著黑衫鞠躬道歉就免了，畢竟現實不是TVB劇集，不用說那些像廣播劇的台詞的，簡單的多謝歌迷支持和家人體諒就行，再過多一排，多謝那週刊令他對家人坦白，令他成長，多麼漂亮。跟手下張唱片再找一眾gay friendly的音樂人合作、與一兩個曾開口讚他愛得勇敢的diva合唱，得咗。

這花邊新聞令網上世界議論紛紛，那些高呼「我偶像一定唔會係gay架！」的少女，我明白大家護主心切，但是時候認清怎樣才是真正的支持和愛一個人了，喜歡一個人，不是要他按你的意願存在，而是互相體諒理解，會由衷為對方的快樂而高興，這對你們日後跟男友女友相處會有很大幫助。也是時候認清，人生不如意事十常八九，你可能會遇上很多壞男人，而當你傷心失落，那個真心聆聽你支持你而不是想趁你孤單騙你上床的男子，很大機會是你的gay buddy。那些疾呼「我接受唔到囉」的人，不用擔心，就算他是直的，也不會接受你。而那些聲聲「死基佬，唔好搞我」的男子，請放心，gay這個英文字不是「盲」的意思，他們跟你們的女神一樣，是不會搞你的。

奪命狂呼4 4刺慌

2011-04-27T11:57:00.000-07:00

打破驚慄電影格局，Scream仍然是最幽默同最有insight的恐怖片，就快落畫，要睇趁手

Monte Carlo

2011-04-13T13:21:00.000-07:00

Is this the ultimate Chick Flick? 一個Disney小天后+兩個Gossip Girl+一個Glee+身份錯摸+華衣美服Make Over+童話結局+姊妹情深=Chick Flick到無論，睇trailer其實唔算好吸引，寄望正片好睇，睇完心情愉快正能量滿載是必然的，I am so watching it! FYI，Serena Gomez就是之前說過很懂演戲的Disney女生，看好她(雖然她看上去還是太年輕了吧？)XOXO, Gossip Girl

Bad Romance : 愛情恐怖片

2011-04-09T15:55:00.000-07:00

愛情像恐怖片，有些是Slasher film，殺殺殺插插插，血脈沸騰，仲好有機會欲斷難斷發展成N部曲死唔斷氣，(而第一集總是初戀一樣，是最好的)最重要的是body count，很大機會變得公式化，但「唔駛用腦」總會吸引到一班不太需要驚喜的觀眾；有的是trailer比正場吸引，像這套The House of the Devil，極有7、80年代味道，trailer看來是很有質素的驚慄片，氣氛是有的，但「營造氣氛」和「攝時間」是有分別的，「懶有野」的前戲過長而高潮短促，結局讓你覺得「下？」的話，這樣的關係要盡快斬纜。只有很少數恐怖電影，氣氛一流劇情緊湊，讓你心跳加速，又要怕又要睇，看後縈繞心頭震撼不已回味無窮，而且覺得這樣的完結是最圓滿的，你渴望故事未完，但又不想有蹩腳的續集破壞美麗的回憶，就這樣在神壇上穩守經典的位置就夠了。只有很少的電影，能讓你投入的愛到動魄驚心。

天姬戰 Sucker Punch : you either think it sucks or punches

2011-04-07T11:35:00.000-07:00

Point form 影評:

1.天姬戰應該是人們口中的「芝士戰」，你一係好鍾意，一係好頂唔順。

2.美女、機關槍、打、打、打打打、強勁CG、艷舞、打機一樣的戰鬥場面...其實將所有直男喜歡的東西都放進去了，嗯...我只能說若你喜歡打機，應該會喜歡這電影，基本上是真人演繹一次打機的CG場面。

3.劇院是...非常奇怪，我覺得是無劇情可言，上網看到很多人在分析這電影，說當中很多象徵等等，分析是蠻有趣的，但看電影時我是完全睇唔出有那些象徵。建議打算看的朋友當為畫面入場就好。

4.打鬥場面是頗好看的，但極大量的慢動作讓我覺得好點好笑...而且太多打鬥戰，雖然是激戰連場，但太多重複橋段，中段我是有不斷想「幾時完」的

5.另外一邊看一邊想，點解電影公司唔將套戲做3D呢？因為畫面其實很適合作3D處理，也有很多東西飛向螢幕，是不是電影公司覺得唔好浪費資源去做3D呢？

6.有部份對白係懶有道理但其實講左等於無講，到一個程度是我在想其實係唔係想大家會心微笑的幽默呢？

7.字幕明顯係用台灣版改做香港版的(又或者有香港同台灣人一齊譯？)，因為有不少台灣用字，如果係改台灣字幕，點解唔改得徹底D呢？

8.(possible spoiler)寫左咁多好似彈多過讚，其實我覺得近結尾的一個'twist 係非常好，我好鍾意。

顏射抗輻射

2011-03-17T02:40:00.001-07:00

《露透社消息》日本地震後，各界擔心災民之餘，亦擔心引發核危機。網上流傳食鹽可抗輻射，有網民惡搞話BBC指食初生BB屎更有效。最新消息指，有男朋友表示，「用鹽邊抗到輻射呀，咪傻啦，顏射先抗到輻射」，因為此舉「咸過鹽」，男人進一步供不應求，料將引發億億聲上落。

電影《出埃及記》的宣傳文案說，「事情荒謬至一定程度世人將不再相信」，原來當事情有一定程度的荒謬，將有很多世人相信。

BLACK SWAN

2011-02-27T09:30:00.000-08:00

看了《黑天鵝》(Black Swan)，好睇到顛！Natalie Portman演得是很好，但我覺得整套電影各方面也配合得天衣無縫，聲效是超好，可能不是技術上的石破天驚，但非常effective，CGI(?)用得極好，鏡頭運用是…怎樣說呢，我覺得個鏡頭都有戲(!!!)，尤其是舞蹈場面，將抽象的感覺用鏡頭的movement表現出來，拍得又靚又緊張。劇情緊湊懾人，非常緊張，我看有影評說是「娛樂性不高而藝術性強」，但我覺得一點悶場也沒有喎，是套很細膩有氣氛很優雅的驚憟片吧，有個位我睇到嗌左出黎，痴線！好睇程度是完場後我在街上大呼小叫了好一陣子，好興奮，快D睇，好full，雖然之後在facebook看到《商天鵝》海報(which is brilliant)，無損電影震撼，黑天鵝，恐慌起舞，唔睇走寶！

Medium, goodbye

2011-02-27T09:28:00.000-08:00

我追左7年的《鬼線人》(Medium)完結了...之前完全唔知第7季係最後一輯，心情沈重又複雜...it's one of the best shows ever...故事和演員都接近完美....arrrrrrrrrrrrrrrrrrr....i cant believe it...明珠台現在星期四8點半播第6季，今晚做第一集，快D睇啦...:(

魔髮奇緣

2011-02-27T09:21:00.000-08:00

終於看了《魔髮奇緣》(Tangled)，超好睇~!!!喜歡童話的要看，喜歡動畫的要看，不用怕「迪士尼公主會唔會好女/好悶」，刺激度有如睇緊《奪寶奇兵》(有場的確有向其致敬的味道)未看的快看，場數不多了，英文版更少，看了配音版，配得好OK wor！余文樂把聲聽落好似張衛健，整體是配得好好，對白也譯得好自然，而廣東版歌詞寫得好好好，arm意思無夾硬的音(好似)無奇怪的廣東字，讚！可encore！而且算好3D，去戲院睇啦喂！

Adam Lambert - For Your Entertainment

2011-02-27T09:18:00.000-08:00

Adam Lamber 於American Idol奪得亞軍後，於09年11月推出個人大碟For Your Entertainment，之前一直無的起心肝去聽，最近聽了，大愛，這首不知怎的讓我想到了Britney，想像到Britney唱這一首會非常夾，而且應該配上她Circus的MV

2011-02-27T09:14:00.001-08:00

年輕很好，因為青春無敵；年輕不好，因為那時候沒有足夠的眼界和歷練，會做很多日後回看百思不解的蠢事，穿錯的衫，去錯的地方，愛錯的人。然後當青春消逝，你看著別人的照片，聽別人的故事，覺得他們穿著錯的衫，做著錯的事，日後一定覺得「好核突」時，你會知道原來青春還在，只是去了別人身上延續下去。而你的屎忽，已經老了。

A Single Man: 單身大哂

2011-01-22T08:40:00.000-08:00

因緣際會，看了黃龍斌的獨腳戲《單身大哂》(哂命版)，為了看劇一早出了門全日零生產力現在要開工，但還是想寫幾隻字，讓有興趣的朋友可以在餘下兩場捧場。時間關係，只寫point form:

1.喂好睇喎，其實是友人臨時有事不能去看我才補上(要多謝朋友的票)，只知是關於單身的舞台劇(我一度以為主題是另一樣東西)，看了，我覺得很有驚喜，特別是形體方面，真的好看!

2.注意，是形體，不是體形。(當然體形也是很好看，好看到一個我覺得很distracting的地步，但這是我的問題)

3.形體動作真的好看，很賣力，也很賣命，中段有段形體，我覺得(看來)很危險，但是好看的。

4.劇中許多感覺以形體表達，故事相對來說，我覺得是有點簡單的。但簡單也有簡單的好看，比較像monologue。

5.戲服好靚！友人不太同意，但我好buy，好閃~!我太喜歡閃的衣服了…個人喜好，我知黑黑白白正正常常唔好搞咁多野一定好看有型簡約，我一直都知的，但我還是喜歡會閃的黑白灰，加珠片唔該。戲服很有舞台感，連不閃的一套天藍色札染連身衣都很好看呀，現在想起來，其實好像每套衫都配合角色心境的，對人好閃，自己好暗沈，最後心情是天藍色的。

(下一點不是劇透，但有提到出場的角色)

6.有一段黃龍斌反串演一位媽媽，他的說話、動靜，我覺得好似迪奶。

7.尚有23號 3pm 及8pm兩場，應該還可walk in，最好打電話問問。

一如愛情系列：夠鐘

2011-01-02T00:27:00.000-08:00

看蘋果日報，頭條是《全球iphone生蟲鬧鐘失靈》，詳細報導iphone 鬧鐘在11年1月1日沒響起，對世界各地用戶的深遠影響，又說「 iPhone一瞌，世界都昏睡了」，嘩，我以為又有學生被困機場返唔到香港同家人團聚咁大劑。下次拍災難片，不用叫《2012》，乾脆叫《iPhone》就可以了。

1. iPhone家族中，現在已經只包括iPhone4, iPhone 3G同iPhone 3Gs，2G已經形同無到，就算它當日的鬧鐘功能沒問題，它也像沒出現過一樣。你以為自己在對方的愛人名單中佔一席位嗎？新一年了，大家醒一點，而這甚至不用鬧鐘幫忙。

2. 有人遅到一天，就「個file花左」，「對仕途好大影響」，除了要讚賞他對工作的熱誠與認真，也想說，放鬆D啦香港人，欲加之罪何患無詞？像那個遲到一天就被解僱了的員工，對方要和你結束關係，一定不會是因為單一事件，那只是導火線，是一個借題發揮的藉口，分手只有一個原因：對方不愛你了。別幻想太多藉口，他不會是因為身患白血病不想負累你所以假裝絕情等你死心自己躲起來等死的，他不是貓，你也不是韓劇主角。

3.有許多iphone粉絲投訴說自己一向支持Mac，而iPhone竟然失靈，令他十分失望。這不就是典形的「我對你咁好，我咁愛你，點解你唔愛我？嗚嗚嗚……」嗎？我都想有半斤八兩咁理想，但誰若試過戀愛都必失過戀，不，誰若試過戀愛都知道，愛情不是等價交換（如果你發現自己的愛，換來了許多個Birkin手袋，你有可能已墜入援交陷阱，我建議你報警求助，或立多兩個袋速逃。）不是你愛他他就一定會愛你的，傷心時別老是在這「點解佢唔愛返我」的題目上打轉，這個問題我也沒答案，只能說，大概他不是值得/懂得愛你的人。愛人當然好，但別忘記，最值得你愛瘋的人，就是你自己。

生命的美好。

2010-01-18T09:16:00.000-08:00

工作已經給我太多負能量，從今天起我要每日記下生命的美好。

1. 林宥嘉的《唐人街》。作曲:西樓填詞:黃偉文
有這麼棒的演繹，這麼美的詞，聽來有點淡淡哀愁，又有點甜美的溫柔。
我想，哇，唱太好了吧?別人就算想在KTV唱都不應該了。
莫說是要唱得像宥嘉般收放自如，就是可以在後面當和音也真不得了。
再想想，能聽到這首歌，就讓人覺得有多幸運了。

2. 一直聽的時候，想著的都是你。

3.看了ER的告別特備節目，原來這樣就15年了。
結束讓人感傷，然而曾經存在叫人感恩。
好想把15輯都看一次喔。

4.我還能寫，在我沉悶的工作以外。
就是因為工作悶人，我更不能廢了我支筆。

5.朋友要去exchange了，
新環境，新生活，
生命還是進行中，一切都有可能。
隨時，準備起飛。

全場在Ya ya ya ya ya ya

2009-10-10T11:56:00.000-07:00

Yeah yeah yeah ~看了SuperGoo Hocc 2009 Concert
很好看，很高漲，Goo Show!!!!不過個人來說，較喜歡她的第一次個唱，可能是當時較狂熱，她的選曲亦較對我口味，企足全場，也可能是先入為主，不過今次仍然是很好的，感動位亦不同了 :-D

今晚的show，除了是梅姐的生忌，請了草蜢作嘉賓，向她作致敬外，更有一個小插曲，話說HOCC唱至「露絲瑪莉」時，Joey入場，身邊那位與我不約而同說，明天的報章一定會說甚麼斷背歌傳情之類的。

我估個報導會好似咁上下：
校準時間入場　斷背歌隔空傳達「兒女詩情」

《本報訊》　日前何韻詩舉行演唱會，出道以來性取向成疑的她，中段唱至斷背歌曲「露絲瑪莉」時，與阿詩「女女」傳出斷背緋聞的祖兒，身穿演唱會主題顏色紅色外套，以行動力撐「好朋友」，施施然入場，引來以斷背一族為主的現場觀眾一陣歡呼，可見二人的關係在一眾同志心中非常受落，而祖兒亦欣然接受大家的祝福，紅光滿面，猶如女主人出場。台上的阿詩得知祖兒不偏不倚於唱斷背歌曲時出現，亦不敢怠慢，之前唱得危危乎的歌，突然變得溫婉柔潤，「友情」的威力相當神奇。據祖兒身邊密友表示，祖兒公司其實不喜歡二人交往，「佢地驚Joey比人利用做宣傳，今次咁明目張膽隔空傳情，都係因為有人把口犀利，Tum到Joey囉，Mani之前都唔知ga，係有人見Eason同阿Kay都無懼緋聞合唱，懶係不避嫌清者自清咋」。

據知，一向鍾意借緋聞過橋的阿詩，更說服祖兒與她合唱一曲「匪夷(兒)所思(詩)」，於哈佬喂期間派台，實行將地下情擺上枱，搏人以為二人真係只是好朋友，更預備定續集「兒女私(詩)情」，向世界宣佈二人感情是二人的私事，相當大膽。

文:八姨婆

help the meow meow

2009-05-22T00:56:00.000-07:00

copy from 903 forum, please take a look. how can ppl do things like that?
I wish the poor cats haunt him in his dreams, when he is jailed.
_____________________________________________________________________

貓界林過雲肆虐警方冷眼旁觀!

http://hk.myblog.yahoo.com/jw!c7tivXybLxY4mIO7KUlwQm42GQ--/article?mid=11433

http://hk.myblog.yahoo.com/butbutwong/article?mid=1290

http://hk.myblog.yahoo.com/jw!bTHz1RCfGQTIlcptVBaIJJBguaU-/article?mid=16514

神經痛

2009-04-28T10:06:00.000-07:00

朋友之前才說，擔心我有depression
我又覺得唔係呀寫下xanga作下狀之後多數不開心都會一掃而空
只是剛剛又鬧了一次情緒，好很MENG(點打既呢...?)
有一下又想慣性地把一切推到無拖拍無人要好dry頭上，
好無賴，我知。
但我又想，其實這些麻煩事就算我日日有人溝都係會出現來drive me crazy的
那就實事求是係就係唔係就唔好話自己係好了，口是心非，最憎。
是我自己對自己對現狀對生活對生命的不安不甘造成了這次M Come。

《小姨媽的後現代生活》Soundtrack：
1.《煩》林曉培
煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊煩啊.........

2.《神經痛》何韻詩
一切會好，只要忍到劇終

P.S.唔知大家有無留意之前有個巴士廣告，上面印左一個M巾廣告，個產品叫「小姨媽」...真係what a 好名，M痛都變成笑到肚痛...

...I'm not that into you either

2009-03-30T05:33:00.000-07:00

2009年3月29日，星期日，微涼。
我在看Brothers and Sisters，吃著雲呢拿雪糕。
畫面中，女主角向母親說了一句'I Miss You'，我不由自主跟著說了一句，'I Miss You'。這是一句離我很遠的說話了，很久沒說過，很久沒聽過，很久沒想過。經歷了那一次我極其量極厚道也只能稱為仆，不，Shitty的分手之後，我不能說我完全沒有掛念過之前一位。一般人被撇，都會掛念對方，可惜撇我這一位太有技巧，完全讓我的失落和掛念被憤怒和粗口蓋過，分手在即也體貼我感受，讓我不致於因為思念而過於感傷，還真的要謝謝你。只是那份記掛和自怨自艾還是要找個地方放的，誰分手都要先容祖兒一下，才可跟謝安琪走上囍帖街。於是有那麼一下子，我又陷入了那該死的漩渦。然後是一段DRY到爆的時間，假如我是一粒帶子，我已乾到變了粒乾瑤柱（後來才發現，如果真的有得瑤柱，帶子就不會乾了），到後來，乾到不再感到自己乾，天人合一，自己與乾已融為一體，日子又是這樣的過。朋友msn，問我'How's your romantic life? Any new target?' 'My romantic life is pretty much non existing'。就是這樣。一個人就一個人，也還是過得OK的。我甚至不再相信愛情這回事，說得多好聽多天花亂墜，還不是得個講字，轉個頭分秒必爭走去吔蕉。最要命的，是我剛剛寫了「我甚至不再相信愛情這回事」這麼老套的字，救命。曾經也都驚恐了一下，嘩大佬，我不嬲走愛情喜劇路線的，我不要做葉念琛。我相信日後我遇到對的人時，我還是會發姣還是會蘿蘿攣的，只是，現在，是但啦算數啦，不緊要，我變了楊千嬅。

又過了好些日子，到了昨天晚上，可能是看電視入了神，可能是因為吃著comfort food，說了'I Miss You'之後，我才想起，我很久沒有想起你了，也很久沒有想起你。如果你要迫己忘記一個人，你還沒有忘掉他；如果你要提醒自己掛念一個人，你不再掛念他了。

雖然想起你那真的很tactless的分手，我還是很生氣，真的好Ｑ嬲，雖然一個巴掌拍不響，我的確不是最體貼的男朋友，雖然如果你塊面在我面前我好肯定一個巴掌都可以好響，雖然我生氣之中夾雜很多可惜，真希望我們還是好朋友，我又會想到你曾經做過的一切很窩心的事，大概結局如何都不重要，就算哈利波特的結局原來是「鬧鐘醒來，原來剛才只是一場夢」這類爛得不能連考試局也要ban的爛結局，都不能否定之前故事的奇幻美好峰迴路轉。世上有幾個故事結局叫每個人都滿意，有多少個角色可以因為民意死而復生。像個世上最壞愛情童話，但畢竟都是一個故事。要吻過很多青蛙才吻得到一個王子，然後他又打回原形變了一隻青蛙；很被騙很多次才看得出那隻是豺狼，謹記紅帽子內要常備防狼噴霧和打999的手提。記住美好的旅程，忘記爛尾的結局，反正最終都是夢一場。

《I'm not that into you either》reality soundtrack:
1.微涼　林一峰
為何夜了蕩來感慨是否不應該

2.I Miss You 陳柏宇
誰要勉強假裝愛

3.借過　容祖兒
寧願我聽不清楚當時誰人口口聲聲不會掉低我　

4.漩渦　彭羚　黃耀明
戀愛在朁蝕我　如地網天羅　

5.我不難過　孫燕姿
別再看著我說著你愛過　別太傷痛
我不難過　這不算什麼

6.崇拜　梁靜茹
你揮霍了我的崇拜

7.你唔愛我啦　李彩樺
再見啦無野啦完場架啦　你唔愛我啦

8.滾　楊千嬅　梁漢文
請你滾　滾出去

9.多得他　王菲
真的要多得他去使我懂得　
每一個故事結尾無非別離　總是別離

10.還是好朋友　梁靜茹　古巨基
相愛這一場　可能是為了
能擁有一個好朋友

11.男孩像你　薛凱琪
像個世上最壞　愛情童話

12.一個人的童話　楊千嬅　
演出一場一人的童話　不必一路一直等候他

13.夢一場　那英　
早知道是這樣　像夢一場　
我才不會把愛都放在同一個地方

14.囍帖街　謝安琪　
階磚不會拒絕磨蝕窗花不可幽禁落霞
有感情就會一生一世嗎又再惋惜有用嗎

Bonus Track:15.花吃了這女孩（One Take Live Recording）博穎
為高興接過玫瑰　女孩敗了給太天真（走音）

你咪愛我，理你死未﹗

2009-03-22T11:18:00.000-07:00

與好友A與好友H去了看《你咪理，我愛你，死未》，好好睇~!!!!!!!!!!!祖與DEE演出如常精彩，驚喜的是邵美君及林二汶，之前沒看過邵的演出，嘩，好得，又唱得，又演得，她那幕王愛媚處女徵友錄影帶，實在是笑中有淚，very impressive呀!而第一次演出舞台劇的二汶，嘩嘩嘩，不得之了，佢把聲好厲害，一把聲就可以表達出可愛、性感、少女、阿婆等不同角色，好勁﹗而且演得十分自然又很放。祖的聲線比較厚，DEE亦是一貫的好聽，相比之下雖然沒有媚E及二汶的驚艷，但都聽得出各人在扮演不同角色時用上了不同的聲音，非常佩服，有堅持、用心演戲的演員，值得尊重，感謝你們的精彩演出。

除了王愛媚的一場，一開首男人女人的一場已經先聲奪人，如此「赤裸裸」的演出，令人捧腹大笑，又很喜歡他們「大隻男配小支棒」及「普通男配長冰棒」的組合，細眉細眼處都盡是幽默心思。「宣傳易」實在是篤中全場笑穴，「I Love Hong Kong﹗」是神來之筆，依家諗返都好好笑。

舞台的設計又是十分精彩，很多機關，又有配合得天衣無縫的大螢幕動畫，開篷跑車的一場真是一絕，祖及二汶的肢體動作非常生動，真係好似比人拋左出車咁，很想知道之前幾次公演，沒那麼多的資金、舞台配套及空間都較有限時，是怎麼樣的光景。整套劇唯一可以雞蛋裡挑骨頭的，就是有時候聽不清楚歌詞，嘥左王祖籃的心血。不過如果要印歌詞在場刊中的話，又要加紙，即是要增加成本，又好像不太可行，放上網的話可能有版權問題，即時出歌詞字幕又distract觀眾...都不是太想到砍全其美的解決方法。

《你咪理》不是睇完笑完就算的即食劇，戀愛過的一定可以在當中找到可以relate的關係及場面，或是感受和對白。最深刻又是王愛媚一場，她說，結了婚廿一年的老公，可以一句「我更喜歡她」而走了，我常說，我寧願當日佢同我坦白，講佢鍾意左第二個，好過比D咁shitty又唔make sense的藉口去敷衍我，等我以為仲有得救，我當然明白一個心變左就係變左，分手亦永遠只有一個原因，就係佢唔再鍾意你，就算有第三者，佢都應該只係導火線，我寧願佢一早同我講佢鍾意左第二個，好過比人當傻仔，侮辱我既智慧，但睇完媚E呢一場，我又諗，係唔係真係佢同我兜口兜面講真話我又會好過點呢......Carrie這時候會說，I couldn't help but wonder, in the game of love, how much truth can we handle? How do we know if we have crossed the fine line between being honest, and being curel? Across town...我想，大概我們都知道要完的總會完，要痛的總會痛，只是不希望曾經那麼親厚的愛人，可以如此反轉豬肚，完全不理會你的感受吧。所有打算分手的情人，請你們用最後的溫柔，好好的告訴情人這個壞消息，也請聞到惡耗的人，如果一段關係真的返魂乏術，就用最後的溫柔接受，讓他去吧。他沒義務去照顧你感受了，就只有你會對自己好了。

另外一場，很《浮生路》，老夫老妻，相對無言，當愛情昇華/變質成感情，那還應不應該在一起呢?一起是責任，是感情，還是折磨了呢?朋友說，要隻眼開隻眼閉。我曾經都相信一生一世這回事的，但分手後，可能是經歷多了吧，真的好像Enchanted一樣，從童話王國給投進現實世界了，不再有童話故事了，又不知是否人灰了就只看到灰色，還是巧合，最近看的電影呀演唱會呀舞台劇都是說著感情陰暗面的......假如我是導演，我本來會是Nora Ephron的，我本來會拍出網上情緣和緣份的天空的，現在，我由愛情片大導，變了朋友K口中「唔知佢之前比人點hurt過」的葉念琛了，我要去找Stephy拍戲了，天。

2009-03-21T08:17:00.000-07:00

看了He's Just Not That Into You, 出乎意料的好看，wickedly fun, cruely true.
想起了很多，我想我不會再相信人了。

一整個宇宙換一顆紅豆

2009-02-18T07:01:00.000-08:00

為了可以SMS，由Peoples轉了3
為了真的可以SMS，終於的起心肝清理常滿的SMS BOX
小小的容量，到現在還未delete 的，都是有一定份量的回憶

現存最早的是家盈04年3月25日為我打氣的短訊
之後還有很多，很多不捨得刪除
很多又不得不刪去
因為不知怎的短訊都不能儲存到電腦
許多時候就不得不取捨
特別是大時大節時收到的祝賀短訊，一下子就擠滿了小小的記憶體
一定得刪除，才能收到新的，才能回覆大家

從前有一個人的短訊我是一定不會動的
那是情人一號
到終於終於，情人二號出現了
我終於在記憶體不足的情況下，刪去了一號的短訊，接收了二號的溫柔
始終要放手，才能騰出空間接收新的

一心一意，是對一段關係最起碼的尊重

又過了一些時候
朋友說可以用相機拍下短訊，那就可以很輕易的留住短訊，不用自己在Word打一大爛餐了
於是剛剛就在替手機照沙龍
發現原來二號曾經給我寫過這麼多
原來你真的曾經很在乎我
曾經做過很多很麻煩，很花你時間的事
原來我之前已把收件箱清理過一次，今天剩下的，都已經是濃縮了的精華
每看一個，都記得起當時的事件心情
我把那些新的，傷人的都刪除了
看著那些甜蜜蜜的，仍有點悸動，又很諷刺
你說過的永遠和以後，都跟現實往反方向走
要是你看見了會否覺得
「嘩大佬我個時諗乜?咁都講得出?」
喜歡和愛，其實相距很遠
我從未說過我愛你
因為我知道當時說的話也不過是言不由衷
只是我不知道你來不及聽我真心說出口就先行離場了

朋友失戀，我總是說就算結局不圓滿，對方說愛你的時候，一定是真心的，
只是當他不愛你時，他也是真心的
我相信你當時真的真的有愛，或是很喜歡，過我

現在想來，就算你當時不開口，我們現在大概亦已經分手了
太多問題，太多不同，即使是二人一起努力亦未必成功，
何況只是一個巴掌拍不響呢
大概我跟你一樣，都不是一個稱職的情人
知道你之後(還是之前呢?)有了別人
請別驚訝我為何會知道，若要人不知，請不要在facebook一天update十次你有多小鹿亂撞
我只是感到很可惜，如果當天你不是那麼突然地把膠布一下子撕走，讓傷口留下瘡疤
今天我和你大概可以無所不談
我還會叫你不要為他太傷心
感情從來就是沒保障的，最危險的玩意
我不恨你喜歡上別個
但我怪你以這樣的方式去告別

我把那些傷心的短訊刪除
把開心的留起
讓我只記著快樂的片段

我還是想你開心快樂的
別被苦戀蒙蔽
淒美的感覺是騙人的
要好好保護自己

「苦戀不一定是浪漫不必欺騙人
孤單不一定是寂寞掛少一個人」

其實都是我自己猜想的
說中了
就打起精神走下去
說不中
就當我自說自話吧__________________________________________________________________--看SMS時，打這篇時一直聽著

梁靜茹情歌

時光是琥珀淚一滴滴被反鎖
情書再不朽也磨成沙漏
青春的上遊白雲飛走蒼狗與海鷗
閃過的念頭潺潺地流走

命運好幽默讓愛的人都沈默
一整個宇宙換一顆紅豆
回憶如困獸寂寞太久而漸漸溫柔
放開了拳頭反而更自由
慢動作繾綣膠卷重播默片定格一瞬間
我們在告別的演唱會說好不再見

你寫給我我的第一首歌
你和我十指緊扣默寫前奏
可是那然後呢
還好我有我這一首情歌
輕輕地輕輕哼著哭著笑著
我的天長地久

命運好幽默讓愛的人都沈默
一整個宇宙換一顆紅豆
回憶如困獸寂寞太久而漸漸溫柔
放開了拳頭反而更自由
長鏡頭越來越遠越來越遠時隔好幾年
我們在懷念的演唱會禮貌地吻別

你寫給我我的第一首歌
你和我十指緊扣默寫前奏可是那然後呢
還好我有我這一首情歌
輕輕地輕輕哼著哭著笑著我的天長地久

陪我唱歌清唱你的情歌
捨不得短短副歌心還熱著
也該告一段落
還好我有我下一首情歌
生命宛如靜靜的相擁的河
永遠天長地久

____________________________________________________
一直覺得我總是為了一號寫了一篇又一篇
對你又反而沒怎麼動過筆
好像很不公平的樣子
其實我總是不開心時才會懶感性地寫
而與你一起的時間又真的沒甚麼叫我非寫不可的題材
也真的要謝謝你
這一篇很長很累
是我給你的分手禮了
好好過吧

Wonder Bra, on the house.

2009-02-18T06:49:00.000-08:00

Just a little something for my frd suffering in love, anyone who finds this useful, feel free to take a sip and pass it around. Faith is like your breasts, it stops being perky and strong as time goes by, it starts to lose its strenght and before too long, it cant stand firm anymore. A little support helps, so, here's a bra for everyone, on the house.

Love can be tough. It's never fair, it sucks so much not having the one who loves u to love u back, but then it happens, shit happens.
Listen to 葡萄成熟時, 進都心酸過，哪個沒有

What we can do, is to grief, to cry, to let go and move on. We have to love ourselves more, now more than ever, coz you have to take good care of yourself until the right one shows up, who would take care of you and let u take care of him. Dun think to do anything silly, dun go to have ONS, dun go cry, coz that's just not worth it, and they will jsut take u one step away from finding ur true love. There are so mnay ppl we encounter in life, and someitmes they are jsut not meant to be, they are not the one, they are just the ones who we pass by until we find THE ONE.

So dun be too grey, it's a long and winding journey, but you will get there. Take care my friend.

2008-06-06T12:23:00.000-07:00

Twentysomething Jamie Cullum

http://www.youtube.com/watch?v=aFIjSY0amtc&feature=related

After years of expensive education,
a car full of books and anticipation,
I’m an expert on Shakespeare and that’s a hell of a lot
but the world don't need scholars as much as I thought.

Maybe I'll go travelling for a year,
finding myself or start a career.
I could work for the poor though I’m hungry for fame
we all seem so different but we're just the same.

Maybe I'll go to the gym, so I don't get fat,
aren't things more easy with a tight six pack?
Who knows the answers? Who do you trust?
I can't even separate love from lust.

Maybe I’ll move back home and pay off my loans,
working nine to five answering phones.
Don't make me live for my friday nights,
drinking eight pints and getting in fights.

I don't want to get up, just let me lie in,
leave me alone, I'm a twenty something.

Maybe I'll just fall in love
that could solve it all,
philosophers say that that’s enough,
there surely must be more.

Ooooh
Love ain’t the answer nor is work,
the truth eludes me so much it hurts.
But I’m still having fun and I guess that's the key,
I'm a twenty something and I'll keep being me.

doh dah duh dah, do duh dah dah dahdoh dah duh dah,
do duh dah dah dahdoh dah duh dah,
do duh dah dah dahdoh dah duh dah,
do duh dah dah dah
I’m a twenty something.
Let me lie in, Leave me alone.
I’m a twenty something.
doh dah duh dah, do duh dah dah dahdoh dah duh dah,
do duh dah dah dahdoh dah duh dah,
do duh dah dah dahdoh dah duh dah,
do duh dah dah dah

無三不成幾，正正式式廿幾歲了。
第一次聽這歌時無甚特別感覺，翻查資料歌曲推出時是03年，那時我才18，二十有找，二十幾還是幾個地鐵站以外的事，要傷春悲秋都應先留給「二字頭」這大關。只覺得首歌幾得意，幾好聽，但要數感同身受，都要先數Mandy Moore的《17》，暗暗感慨與她晚了一年才相遇，幾時得來想到《廿幾》?到後來認識到愈來愈多年齡歌曲，梁詠琪的《25》，謝安琪的《8分3》，今年才接觸到的林一峰的《19》，果真是數字人生，流行曲紀錄生命。當時想，無三不成幾，到我23時就用這首歌總結一下吧。不知不覺真的咁就23了，再看歌詞更覺震撼，尤其是「aren't things more easy with a tight six pack?」「I can't even seperate love from lust」兩句，中得恐怖。回想自己的22歲，去了exchange，畢了業，叫做返過下工，識了一班志同道合的好朋友，對往事好像放下了一點，有些疑似情緣又原來是無米粥，新年時發生了大件事，不幸中之大幸，看了好好好好睇的Hairspray 同Enchanted，看了Broadway的Hairspray至今仍萬分興奮，還有見到自己的仔女都畢業了，真的唔認老都唔得，又認識到一個特別的人，現在想起來都算是緣份，雖然我相信one way or another，我們還是會相識的。

雖然大致上自己都是十下十下的過，都算是一個很充實的22歲，希望出年呢個時候已經有工返...或更好，中左六合彩，頭獎，唔駛返工。XD 或者簡單一點，像今年一樣，去買六合彩時仍然被人查身分證，就可以了。由這裡，行過去，行過去。I'm a twentysomething and I'll keep being me.

**************************************************************************************
謝謝大家的SMS FACEBOOK和電話，特別是SMS BOX本身裝住我由F5到現在的回鐵憶已經爆爆地，加多一兩個爆左，又不捨得DELETE舊事，最後還是DEL了幾個，後來實在DEL無可DEL了，因此很多都回覆不到，或是今天BACKUP了才收到，不過仍然很多謝大家~^^謝謝和我慶祝的各位，識到你地真係好開心~~~~~還有搞手，辛苦你了謝謝你的綠茶蛋糕你的歌你的卡你的心思，謝謝你^^

攣到爆

2008-04-12T14:15:00.000-07:00

看了攣到爆
好好好好好好好好睇，又好笑又感人，笑中有淚。
睇到後面忍不住哭了...一齣令人感到很多很多愛的舞台劇，真的FEEL到演員們挖心掏肺比哂D真感情你睇...好動人，好感動，唔識點講。很好笑，但相比起感動位，都有點被比下去既感覺。唔係佢唔夠好笑，係真係好動人。真係好好睇。

印象最深刻是(SPOILER ALERT，可能有劇情，打算睇既朋友唔好睇下面住)
《沒結果》的一場
「用我一晚自尊去換你」。
多殘忍又多赤裸。之前讀林一峰的書，他說到這句歌詞對他有多震撼。
我們都試過，用盡辦法死纏爛打，面子自尊都不要了，我只要你。
人是否都敵不過情慾呢...特別是男人。我地真係用下面個頭諗野的。男人其實係最白痴無腦的生物。要的東西很簡單，想的更簡單。當然又不可一概而論...但大部份男人都係咁。好男人一係死哂，一係拍左拖。其實也許不應分男人女人，男人也有好人，女人也有壞人，也許是愛人的一方，或是被愛的一方。愛人的一個，很容易忘了要愛自己。
這一場的無奈痛心，愛過的人都會明白。

《林志健》的一場
基米高一路講，個心就一路痛，簡單獨白，一路講佢好想好想o係佢愛人身邊，照顧佢，佢講講下我就黎料...唔可以同自己喜歡既人一齊，就算佢需唔需要自己都好，都係好令人心痛。剛剛係youtube睇到個promote有呢一幕，個心都仲係戚住，好痛，好辛苦。
「係唔係基佬既愛情就只可以咁樣呢?」明知愛這種男孩子，也許只能如此。
其實係攣定直，愛情呢家野根本就係又難又痛又甜又開心又痛心。你叫我最快樂你也叫我最心痛。梁祖堯說林志健呢一場係真人真事，難以想像當事人有幾傷心。基米高因為林志健屋企人唔鍾意，探唔到林志健，最後忍唔住喊左出黎，我諗當我地為一個人喊，而喊既時候係亳無先兆眼淚忽然自己跳樓，你就係愛呢個人啦。係你心入面最入最私密既地方，你比佢走左入去，連你自己都唔知。而呢個位實在太隱蔽，而呢個人係無地圖o係手的，佢入左去，未必走得返出黎。你自己都無地圖，趕佢唔走之餘，又走唔入佢個心。

好想好想可以叫佢走出去，比小小位下一個要入去既人，縱然呢個人我都唔知佢o係邊。

基米高探唔到林志健，要靠新聞收音機睇下佢會唔會有事...其實我每晚都會開住部手機，我成日都好怕如果你有乜事...touchwood...我都要開住個電話。雖然你未必會打比我，雖然你屋企人都唔會知我係乜水。曾經睇過一篇叫《深夜你的手機為誰開》既文章，我搵到o個個人，但我知我唔係佢要call o個個。我尋晚熄左部電話，但係最尾又開返。我怕。

算了吧，沒結果。

happy happy happy

2008-02-18T13:03:00.000-08:00

好開心

因為聽緊ENCHANTED Soundtrack
一聽到That's how you know 就成個人都輕佻左
本來諗住算吧啦呢排用左咁多錢不如唔好買soundtrack住
十五十六之際見到有得download又down 左先
一聽，唔得啦~太好聽啦，有乜可能唔支持下正版
Gisselle你要等我，我會好快去信和拯救你然後一齊幸福快樂咁生活下去
千祈唔好比人買哂，唔該

本來仲有少少exchange之後既蘇州屎搞到好煩
依家完全一掃而空~真係太神奇啦
Alan Menken I LOVE YOU~>3<

好開心好開心好開心

2008-01-31T10:14:00.000-08:00

睇o左<<流星初戀>>(A Walk To Remember)

妳像流星走過　讓我永遠難忘

一套小說改篇電影
係同<<忘了忘不了>>(The Notebook)原著同一個作者(Nicholas Spakes)ga
其實劇情有點老土,有一下係老土到我覺得有d搞笑的...不過又幾好睇,好純,好refershing,有d傻勁得o黎又好sweet,有一下個男主角為女主角做一件事我真係覺得''o~~~~~好sweet''...

雖然男女主角好後生,不過唔係一般青春片,而係一套愛情片
淡淡然,很好很好,不錯不錯好想睇原著小說...我諗會好好睇的(不過我諗要搵返電影版小說封面就難d...only見過舊沙田商務有本好殘的,同埋之前o係舊荃灣中華又係殘殘的...不過買到都唔得閒睇...之前Notebook...以及n o甘多書...都未睇)

雖然個戲名有d嘔(套戲上o個時流星花園好hit)不過原來都唔係為改而改的
都同套戲match到
同埋同個tagline match ga~如果比我改,我都唔係好諗到...''緣途有你''ma?或者''流星旅情''??<--呢位翻譯系o既同學嘗試將片名同個walk字扯上關係... 似乎更老土

同埋值得一讚的是男女主角都做得好~特別係Mandy Moore~唔會因為自己係歌手偶像就住就住(佢之前o係另一套戲做一個shitty o既cheerleader,都係無因為自己形象而就住,good~!)真係好不施脂粉o甘做,你真係覺得佢地係因為對方o既為人而愛上對方唔係因為佢靚或者型，好真摰...因為睇戲最興...開頭唔靚,跟手一除眼鏡就變o左校花...呢套唔會，同埋諗諗o下真係幾好睇幾感人...

其實寫o左o甘多,都係因為套戲其中一個message
珍惜眼前人,珍惜現在,珍惜一切law
唔只係愛情,family,friends,一切一切都係好應該珍惜ga
所以每日都應該好好o甘過~

再見　希夫烈達再見

2008-01-23T11:23:00.000-08:00

再見。
唔好怪我第一句就同你講再見
因為我真係專誠黎同你道別架

每日我一起身都會上網，睇新聞，仲要係娛樂版
偏偏今日趕時間，無睇到
同家盈睇驚天奪寶，開場前佢突然話，哎呀死左呀真係死左呀
我還以為佢講緊小新入面一個人物
到佢話係Heath Ledger，我仲以為係佢拍新Batman入面佢做既Joker角色死左
到我知道Heath Ledger真係過左身真係好震驚，好傷心...
一路諗係唔係網上流傳既流料
真係好難相信係事實...

唔知可以講乜
只希望佢可以安息，佢既家人朋友都可以快點整頓心情

雖然你不再存活於人世
但你於光影世界中永遠活著
永遠年輕燦爛
地球少了一顆星
但天堂多了一點星光永恆耀眼

你爸爸說得對
你觸動了許多人...
你不會知道斷背山對我有多重要，
謝謝你給了我一套我最喜愛的電影，給了世上千千萬萬個我一個經典

只想說句多謝

八月交響曲--聲夢奇緣

2007-12-16T23:50:00.000-08:00

好微妙的一套戲。

本來以為唔會喺香港上正場，多得Ben話我知香港1月3日會上正場，我覺得幾好睇的一套電影。一直以為如果會的話中文片名一定係最頹的「八月狂想曲」、「八月交響曲」之類，但其實八月喺戲中唔係指月份(開頭我以為係音樂節既名之類)，所以如果真係譯做是但一個名未免同套戲太無關。雖然聲夢奇緣我覺得佢太童話太Enchanted魔法奇緣(剛剛見到台灣譯名係曼哈頓奇緣...Orz...真係哈哈哈....簡直同Maid In Manhatten(港譯五星級戀人)既女傭變鳳凰有得揮)，套戲又的確有聲有夢有奇緣，所以也還不錯啦(不過都係覺得有D求其...硬係覺得「奇緣」係諗唔到點收科先會出動既百搭字，例如Big Fish大魚奇緣，花樣奇緣...食Cinderella仙履奇緣音的 Heartbreakers「千」你奇緣倒是很可愛的譯名)。

故事講11歲的弧兒Evan，自細有著非一般音樂觸覺，佢深信自己聽到的來自從未見面既父母，只要跟隨音樂，總有同父母相聚既一日...說的除了尋親之旅遇上的種種、音樂作為溝通的橋樑，我覺得仲帶出左人與人之間微妙的感應，幾個角色喺種種巧合下交會，當Evan喺公園表現有人比錢佢，一抬頭見到原來係Louis而佢兩個都唔知對方係自己邊個時真係好surprised。故事簡單但好吸引人睇落去，節奏有D慢但係唔悶，個故仔好似係一束絲向四方八面散開，而最後收歸一點，感覺好完滿。

戲入面有好多場戲都係講Evan從生活中一切平凡聲音入面聽到音樂，好有節奏感既剪接，將好普通既「噪音」融入樂曲，令我好有印象，而開頭一場影住佢喺一片田野度聽住風聲撩動草叢，拍得好靚好有氣勢! 完場roll credits時見到戲入面既歌真係由演員唱/演奏返，Jonathan Rhys Meyers演一個樂隊主音，都唱得兩嘴，點解好似所以荷里活既演員都係唱得又演得既?最估唔到係Keri Russell，一路以為戲入面佢拉大提琴係做個樣，睇credits見到原來真係佢拉架!!!!好勁~!!!之後係imdb睇返原來幾個主角都有為套戲去學樂器，雖然唔係所有歌都係佢地演奏，不過已經好勁~!!!因為自己不嬲無音樂細胞，真係覺得識樂器既人好叻。D歌都幾好聽，不過就唔係好有印象，可能係唔夠catchy，對比Hairspray同Enchated 既歌係上哂腦，August Rush就爭D，有D輸蝕，不過我都有睇哂roller聽哂D歌先走~

Keri Russell係一個我好喜愛既演員，香港人比較熟悉佢既作品應該係Mission:Impossible III，但其實開始認識佢係由Felicity青春無罪開始，係一套講大學生活既TV series，當年喺美國都幾hit下，點知season 2一開頭講佢失戀剪短左頭髮，D ratings就跌左好多，我係之後睇返報導同forum先知，都唔係太清楚，總之D人怪佢個新髮型拖累個收視...咁都得，我諗佢當時個頭就好似Friends既Rachel cut一樣咁多人講...Felicity之後，Keri既近作有好評獨立(?)作Waitress，仲有就係由Felicity creator J.J Abrams執導既MI 3，喺August Rush入面都做得好唔錯，前途一片光明。有好幾場交代佢感應到/get到D 野既戲都表達得好好，我唔知個D係演技定係個剪接剪得好，不過因為套戲其中想講既係用音樂溝通，好多野如果要用對白交代就有違原意，所以好多時都要演員用表情表達，唔駛開口已經明哂，imdb有網友覺得好唔make sense，「又會唔講都明都get到既」的樣子，咁人地就係想講無聲勝有聲嘛...好鍾意最尾個場，開頭諗重逢個下點搞呢?解釋一餐好掃興架wor...而原來最後，甚麼都不用說，一切在心中。Robin Williams做得好，個角色好成功咁令我覺得佢好''黑''人憎...

小演員Freddie Highmore好可愛，都做得好好，係戲入面都OK喊包...唔係係又喊唔係又喊大喊十個種，係堅強得黎眼角滲淚...嘩...好犀利...佢都有為套戲去學樂器...好叻，人仔細細(yee?原來都15歲啦...係娛樂圈算大人了....XD)又有演技又拍過好多大片，佢就係Charlie and the Chocolate Factory既Charlie，Finding Neverland又有佢份，仲要我睇August Rush之前睇The Golden Compass(係back to back咁睇!好滿足~!)完credits有配音片單，主角身邊既動物係佢配既(另外仲有Kathy Bates!不過我聽唔出佢配邊個...)，當時未睇August Rush，淨係睇trailer時見到佢個名覺得好熟，到入場先知原來就係佢，仲要同場有(又係小說adapt既)The Spiderwick Chronicles trailer，又有佢....簡直係男版Dakota Fanning...

其實Jonathan Rhys Meyers都做得唔錯的，又唱得好聽，不過唔夠Freddie Highmore令人驚喜...
講起驚喜，竟然有Ugly Betty ''俏''Betty既Amanda(Becki Newton)客串...一見到就諗起Amanda...雖然佢好認真不過都係覺得佢好搞笑...總括黎講係好lovely好微妙好緊密既一套戲，like it a lot，推薦~!!!

期待再期待

2007-12-11T00:44:00.000-08:00

Indiana Jones and the Raiders of the Lost Ark (1981) 奪寶奇兵 Indiana Jones and the Temple of Doom (1984)魔域奇兵
Indiana Jones and the Last Crusade (1989) 聖戰奇兵 Indiana Jones and the Kingdom of the Crystal Skull(2008)~!!!!!!!!!!!!
超級期待~!!!!!!!!!!!!!!!!!!!!!!!!!!!!!!!!!!!!!!本來想寫Enchanted的，不過見Indiana Jones已經有poster，忍唔住要post一下，唔知今次會係乜乜奇兵呢? IMDB暫時未有故事大鋼，不過之前睇Premiere，有個可能既故仔，好似話世界上真係有7個crystal skull，相傳擁有神秘力量，有部份係博物館(而且無證據顯示佢地有任何力量)，有一個(定兩個)下落至今不明，Indiana既第四次歷歷應該就係環繞住失落crystal skull既過程...等足19年既第四集，萬分期待~!!!!!!!

填充

2007-12-02T20:32:00.000-08:00

想起你心還是會不期然的__ __

那兩個字是甚麼，我也不清楚，又不exactly是窩心，又不是溫暖，又不是痛楚
只是突然的感覺到心臟的存在
跳了一下
那是不是悸動﹖

傳說見到喜歡的人就會心跳加速
我不肯定與愛人見面是不是就會令你的心起跑
只知道想起你我會心跳腦海中實實在在浮現出一個心臟在暗紅色空間中收縮又放開了一下
聽上去很恐怖片，實情是愛情喜劇的畫面

也許世上只有你會令我這樣心跳
也許不
但遇上下一個叫我心跳的人之前
是一場漫長的等待

你就是答案
我如此肯定
可惜這不是選擇題
我不可以選想要的答案
非黑即白的是非題
你說不的話
我可以怎樣

對不對

The only thing better than Hairspray, that's...

2007-11-22T02:34:00.000-08:00

Once upon a time, in a kingdom far far away...

喺好耐好耐之前，喺一個好遠好遠既地方，住左一個好美麗善良既女仔芝莎，有一日佢遇到白馬王子愛德華，雙雙墜入愛河，正當佢地準備分享真愛一吻，從此幸福快樂咁生活落去之際，奸險既皇后出手阻撓，將芝莎送左去一個童話已死既地方--唔係好耐之前又唔係好遠既New York City!人生路不熟既芝莎得到迷人大狀羅拔幫忙，喺現實世界開始一段魔幻奇緣之時，愛德華亦勇闖NYC拯救佢既愛人，但係皇后係唔會輕易擺休，千方百計阻止芝莎重返童話世界...究竟童話可唔可以唔比現實磨食，芝莎又可唔可以一如所有迪士尼公主，搵到自己既Happily Ever After 呢???

幾經辛苦兜兜轉轉，終於睇左Enchanted，好好好好好好睇!!!!!
Simply Enchanting!!!!!!不枉我等左咁耐，搵戲院搵左咁耐，唔知點解Montreal得D偏遠戲院有得做，正當我一路擔心佢個票房，一路Google Map，一路盤算邊間戲院係喺20公里內之際，Montreal電影網忽然顯示市中心有一間戲院有得上Enchanted!!!!!!!雖然學生飛都貴過香港正場(之前聖誕睇翻生侏儸館都係六十幾之嘛...今次為返港幣八十幾)，我好耐無比過正價睇戲，不過Enchanted係絕對worth every penny!!!!!!!係好好好好好睇，睇得好開心，好感動，佢開始時我係興奮到震，頭10分鐘既2D動畫，好靚，好有立體感，線條流麗畫功細膩，帶觀眾返返去2D Classic Disney Fairy Tales既世界，動畫部份比我想像中好睇，因為之前覺得D公仔唔夠靚，但當佢唔係一幅幅圖而係動畫就唔係咁講，Giselle郁得好自然好靚好靚，同埋唔知係咪用左Tarzan既境深(??)技術，真係好有立體感，而D人物樣貌我覺得有D似Tarzan(Edward)同大力士既女主角(Giselle)...見返2D Disney真係好感動...我諗我一路睇個口都開心/震撼到合唔埋，好開心，好好睇，其實齋睇動畫係無其他Disney Classic咁好睇，不過成套戲就真係好好好好睇!!!頭10分鐘我一路係笑住睇，唔係因為笑位，係好高興好感激，笑到牙骹都痛埋...好鍾意佢一開始就回歸迪士尼最根本，用(Spoiler，請反白)故事書黎開始故事，仲係POP UP既故事書，好靚，目不暇給!

演員方面，個個都做得好好，Amy Adams真係超可愛勁Charming，公主上身一樣，我一路睇，無諗過佢「演技好好」或者「應該提名奧斯卡」，因為我完全唔覺得佢係做緊戲，佢根本就係Giselle!!!我第一次睇Trailer時覺得佢有D作狀，但後來睇Clips就覺得佢做得好好，睇完套戲就明白點解D影評讚佢讚得咁犀利，可愛天真自然，佢真係好似係由個童話度走出黎咁，好神奇，好magical。我唔係好識睇一個人識唔識做戲，但佢真係好convincing，一個真人扮童話人物黎左現實世界變左真人，直情拍得住Felicity Hoffman喺TransAmerica度女人扮男人扮女人咁高難度，鼓掌鼓掌!!!同埋佢唱得好好，youtube 有段片係將True Love's Kiss配落Cinderella Snow White同 Sleeping Beauty既片段，佢把聲真係好似3個公主既混合體，好「彷彿是銀鈴般悅耳」，佢真係完全明白迪士尼公主係怎麼一回事。

Spoiler 請反白: 佢發現自己識得嬲個場又係做得好好，好複雜但係佢handle度，係童話同現實之間拿X得好好，名副其實又喊又笑，好impressive。王子James Marsden好可愛，好好笑，好靚仔，好王子，有好多好精警既對白，同埋佢係unbelievably咁大方...好偉大，係成套戲佢做得最noble既一件事。而hot hot hot律師Patrick Dempsey我無睇過佢其他作品，但係我覺得佢做得幾好，有個位我覺得好感人，就係當佢同Giselle跳舞，一路都頂唔順Giselle無啦啦唱歌既佢喺佢耳仔邊輕輕唱，好溫柔，好怕羞，睇到我眼濕濕。皇后Susan Sarandon其實唔係好多戲份，奸得黎又有D幽默，唔錯唔錯。

故仔黎講，其實我覺得佢係打破左一D童話，同時又重整緊童話...好似Giselle同Robert，我無諗過佢發現自己鍾意左Robert時係咁難以置信，好似真係童話破滅咁，原來公主係可以唔同王子一齊，係可以鍾意第二個既，我諗觀眾同Giselle一樣都係咁驚訝。當然，雖然佢地係literally兩個世界既人，但都可以因緣際會係埋一齊，都係一個fairy tale come true既。

Ｄ歌好好聽，而且同故事推進有好大關係，用Giselle唱歌黎表現佢童話既一面，當佢愈來愈接近真人，佢就無再無啦啦唱歌，呢種「童話不敵現實」，又係睇到我有D心UP...

其實Enchanted我唔會話佢「好過Hairspray」，但一定係「As Good As Hairspray」，可能因為之前已經好期待，未出發先興奮令我覺得佢好睇左，但亦可以話我咁期待佢都無令我失望，好野。其實仲有好多好多想寫，不過都係分幾次啦..天光啦又...

另外完場既Credits都好靚，好好睇，應該睇埋先好走!!!!

I am Enchanted!!!

2007-11-19T01:53:00.000-08:00

我諗我今次真係中左毒
Enchanted Official Site入面既Trailers, Clips, TV Spots, Music Videos 同Making Of已經比我睇到爛(真係睇到個網hang左幾次)，Hairspray係睇完超興奮，Enchanted係未睇已經好興奮，仲有3日就可以睇啦...簡直係黎加拿大其中一個最大既意外驚喜~!!!!!!好期待!不過唔知點解佢唔係o係Downtown既戲院上，全部都係好遠既戲院...不過係阻唔到我去睇既!!!

剛剛係youtube又發現左幾個Clips，好短，但每段都好好睇~!!!D歌都好好聽，開頭覺得一般，但我依家係不斷開住youtube 聽完又聽，我仲幫佢地寫埋中文詞，我諗我真係上腦。其實我咁做都唔係完全因為無聊的，細個既時候睇Dinsey係聽中文版既，雖然之後都會睇英文版，但當時得六七歲，字幕都追唔切，所以配音版對我黎講係好重要的。係大個左要求原汁原味先會想睇原音版，我以前睇明珠930都係睇配音的。直到近來我都會耐唔耐睇下CD Booklet入面D歌詞係寫乜，有時齋聽根本聽唔到D詞，配音版既詞係好不錯的，譯到原意之餘亦都配合到畫面仲要ARM音，我直情係嘖嘖稱奇，最經典係Beauty and the Beast ''Belle'一曲，入面有一句''I need six eggs!''It's too expensive!'，譯左做「我想買蛋!!」，「實貴得嚇人」，都係耐不耐都會係我腦入面忽然閃過既一句神秘歌詞。我覺得Enchanted一定會好好睇 (我係有偏心，不過客觀黎睇都會好好睇!!!!!!)，但因為佢唔係成套都係animation，我諗佢唔會有配音版了，有D可惜...始終覺得要有中英文Soundtrack既先係Disney Classics(所以雖然Finding Nemo 同Incredibles係好好好好睇，但唔係Musical 對我黎講都係爭D...)，總之呢，貪過癮同情意結雙管齊下，造就左下面呢隻作品，同埋實在太耐無譯過野啦，手痕...有興趣可以去youtube 或者Offcial Site度聽下同睇下首詞，無興趣既就記得新年去戲院睇支持下Enchanted啦，一家大細睇又得，拍拖睇又得，同Friend睇又得，7A睇又得(家盈你一定鍾意睇)，真係名副其實Moive Event of the Year~!!!

Official Site: http://disney.go.com/disneypictures/enchanted/
Click Video-->Music Videos，就睇到Happy Working Song 啦~去youtube search都好易搵到~
由於搵唔到英文歌詞，好多都係估同問人的，大意係咁上下，如果大家聽到D英文詞係乜麻煩話我知~

The Happy Working Song

Come my little friends
let us all sing a little happy working song
Merry little voices clear and strong
Come and roll your sleeves up
so to speak and pitch in
we need product in the kitchen
as we sing along

To valitery too in the tub as we scrub a stubborn mildew stain
pluck a hairball from the shower drain
to that gay refrain
of a happy working song

We'll keep singing without fail
otherwise we'll spoil it
Hosing down the garbage pale
and scrubbing up the toilet bowl

How we all enjoy letting loose with a little da di dum dum dum
While we're emptying the vacuum hum
It's such fun to hum
A happy working song
Um um
A happy working song

Oh, how strange a place to be
Til Edward comes for me
My heart is sighing
Still, as long as I am here
I guess a new experience could be worth trying
Hey, keep drying

You can do a lot
When you got such a happy working tune to hum
While you're spooning up the soapy scum
We adore each filthy chore that we determine
So friends even though you're burning
we are happy working lot

Singing as we fetch the detergent box
Or the smelling shirt and the stinky socks
Sing along
If you cannot sing then hum along
As we're finishing our happy working song

Ah, wasn't this fun?

愉快工作歌

來吧共我高唱愉快工作歌
跟我來齊聲唱
細小聲音快樂而鏗鏘
發揮每點力氣
別看輕你自己
讓我共你步進廚房
繼續這遊戲

長期留在廁所的鏽漬
多固執都會被你洗去
助我清走那毛球積水
副歌似心情
明媚歡欣太高興

暢快歌聲不減弱
全因心意盡傾
沖洗一刻可想像
坐廁亦能閃令令

齊來合唱這闕愉快工作歌
啦啦啦隨心唱
這麼光彩潔白快鼓掌
唱出這感人
愉快工作歌韻
啦啦
愉快奇妙樂韻

多奇詭新鮮領土
王子偏卻未到
我心情難好
但難得身於遠方
全新的體驗似流浪
一於向前闖

你抹得好

乘著樂韻
一切事半功倍多麼快樂
齊聲唱
抹去污跡潔白無苦惱
有多頑固「LAI TAT」
亦永不被難倒
就算煩躁體力難補
亦有歌謠的懷抱

全部亦會光潔不沾泥塵
無論舊襯衫或染污白襪
齊歌唱
若你不懂唱亦能歡暢
就算艱辛也別遺忘全力唱

呀，真係好開心呀。

魔法奇緣

2007-11-06T01:16:00.000-08:00

好興奮好興奮好興奮~~~~~~~~~~!!!!!!!!!!!
Enchanted有譯名啦~~~~~~~~~~~~~~~~~~~~~

叫《魔法奇緣》....唔....有點求奇...不過OK 啦...
(我有個習慣，就係知道一套新戲面世時會諗下佢個中文名會係乜
而通常我都諗唔到一個好名的...一係完全係IDEA,一係直譯...
我記得既有Eternal Sunshine of the Spotless Mind《無痛失戀》
我直譯係《無瑕心靈的永恆陽光》(or something like that)...
我真係估唔到佢會整個《無痛失戀》比我...
而ENCHANGTED就係諗唔到名既其中一套願
所以《魔法奇緣》我已經好滿意了)

多謝BEN send 條link比我~~~~
http://hkheadline.com/ent/movie_info.asp?srctype=m&contid=472

熟我既朋友都知道我係好鍾意Disney Princess系列的
即係所有Fairy Tales, 有公主王子巫婆邪不能勝正大團圓結局歌舞連場嗰種
而Disney 已經好耐無出過Fairy Tales 啦...我餓左好耐...
我本來已經放棄左，我以為以後都只係會有電腦動畫...同埋唔會再有Fairy Tale 啦...鳴...
細個時我諗過寫信比Disney叫佢地繼續出fairy tales...=_='''
我仲諗埋有乜故事可以用，長髮姑娘啦(遲D有得睇啦~!!!!!!)，天鵝公主啦，十二個跳舞的公主啦...等等等等...所以知道有Enchanted呢套結合真人同動畫既電影時已經覺得開正我嗰瓣，好期待
睇埋個Trailer 同behind the scenes我更加係超級期待，佢唔知係FAIRY TALE仲要有埋經典disney fairy tale 既經典場面同元素~~~~~~我暈了

即係好似你細個時好恨嗰個超合金有復刻版咁
好似多啦A夢忽然變返做叮噹咁，
你最愛嗰個初戀情人失驚無神借屍還魂同你再次蜜運
好感動 (我寫到有D想喊...HELP)
好好好好好興奮呀~!!!!!!!!!!!!!!!!!!!!!!!!!!!死啦我覺得自己high到好似隊左草咁....

同埋同埋
另一大令人超期待原因
就係電影配樂由Alan Menken負責~!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Beauty and the Beast(One of my ALL TIME favourites!!!!!!!), Aladdin 同Little Mermaid既音樂都係出自佢手筆~!!!!!!!!!!!!!!佢亦係Broadway既作曲家，呢三套真係真係好好好好睇，故事感人，畫功細膩，D歌超好聽...
講開Alan Menken 好可惜既係佢既好拍擋，填詞人Howard Ashman(Beauty and the Beast, Little Mermaid, Aladdin)已經因為AIDS過左身...我覺得無左佢既Disney歌總係爭左D...(不過我最近先發現原來Aladdin已經係有另一詞人Tim Rice合寫...)
真係天妒英才...佢既詞真係好好...而我咁記得佢其中一個原因係因為喺Beauty and the Beast Soundtrack Booklet入面寫左一句extermely beautifully written既說話，我唔係好記得開頭，大致係咁的:

To our dearest friend, who gave a Mermaid her legs and a Beast his soul

我溶了...
文字的力量...

真係真係好鍾意呢幾套電影同Soundtrack...除左Little Mermaid無中文版之外，我係有齊呢三套既中英文soundtrack的...我都唔知點解當時屋企人咁捨得...百幾蚊隻CD都捨得買，仲要又中又英咁買...環境又唔係好...百幾蚊當時黎講好犀利了....講緊既係1990、1991年左右...我得六歲...其實我諗其中一個原因係...我阿媽自己都好鍾意...我記得Little Mermaid 我係有日無啦啦同媽咪講不如睇下有無得租(LD...)，點知真係有，當時我唔知Disney有呢套動畫，純粹想睇呢個故事...之後香港上時(嗰隻LD係英文無宗字幕的...有我都唔識睇...所以唔係好知發生乜事，淨係覺得好睇...)我記得喺娛樂新聞眼見到有片段睇...Beauty and the Beast同 Aladdin都係喺戲院睇，Aladdin睇左兩次(細個好興Disney睇多過一次，我連唔係咁BUY既Lion King 同Heculas都去戲院睇左兩次)，我阿爸睇到瞓左...一定係做野太辛苦...總之...Disney真係陪伴我成長，我同Disney亦係好有緣的~我第一套有記憶睇既戲就係Cinderella了...我身體裝著誰人兩歲半已定型了。

我發覺Little Mermaid， Beauty and the Beast同 Aladdin都係好Musical的...之前都無留意...可能同Alan Menken係Broadway Songwriter有關...唔怪之得我咁鍾意Hairspray啦...原來我係鍾意Musical的...我一路覺得自己最鍾意既係Horror同 Romantic Comedy...難得今次Disney回歸基本再做有Musical元素既戲，希望佢生生性性大賣啦...童話還童話...票房好的話先有再Encore fairy tale/musical的可能，加油呀~!!!我信魔法會有效的~!

講返Enchanted, 雖然各方面都好好，好令人滿意，但其實我係覺得有D可以挑剔既地方的，就讓我雞蛋裡挑一下骨頭。首先係2D部份既動畫...個Princess Giselle...好唔Disney Princess...佢個身型比例好怪...瘦到走樣到好似冒牌公主咁...好唔Disney...同埋個名...Giselle...好唔公主名...好唔識點講...只係感覺...太現代啦...同埋如果大家有睇條Link 個有字幕既Trailer...唔該...邊個譯架...芝茜!???????????????
可唔可以改個無咁似粗口既名呀...我知有童心既小朋友(同大人)唔應該好GOD咁用諧音解讀...不過...唔係咁好啦...唉...估唔到我已經去到「諗衰野」既地埗...我都唔係純情小生了...同埋Grumpy應該係「愛生氣」呀~!!!唔係「嬲爆爆」~!!!!係Snow White入面其中一個小矮人既名...我個年代仲係叫「愛生氣」既...我都唔知依家個官方名係乜...我都知譯字幕要就住畫面時間同耍表達嗰下comic effect，不過我覺得「愛生氣」都有呢個效果呀...不過唔可以單憑trailer就話佢譯得唔好，始終trailer個上文下理無咁清晰，希望套戲個字幕會「忠於原著」D啦...不過除此之外段trailer其實譯得好唔錯，同埋下面段故事簡介Giselle譯做芝莎，好好多...段簡介都寫得好好，好得意~

唔知佢到時D歌詞會譯成點呢...Aladdin同 Beauty and the Beast既中文版歌詞都係好好架，唱到，跟到畫面，同英文意思極大致上一致，簡直係不可多得既代表作~!!!!!
好期待呀~~~美國11月21上，香港08年2月新件檔先做，希望可以喺加拿大睇左先啦~
應該會好好睇既，返到香港再睇多次有字幕既~!!!!YEAHHHHHHH

生性呀...希望第日可以同情人一齊去戲院睇Disney Fairy Tales~~!!!我好有信心Enchanted會有好好既Reviews架~!!!!我黎左加拿大之後喺戲院都睇左幾次Trailer，D觀眾都好好反應~特別係Giselle比人叫佢唔好唱歌..同埋隻松鼠個可憐樣成場女觀眾即刻「OH~~~~~」....超期待之作，大家有興趣的話記住新年去戲院支持下~!!!!

給十年後的我

2007-10-28T00:33:00.000-07:00

我:

好耐之前就想寫了，好似係年頭回歸十年，大家都寫了十年點滴﹔還是聽到薜X琪的「給十年後的我」...應該是後者啦...從來都是政治性冷感(非歐化句)，WYMAN對我的影響一定比回歸十年大。之後又見有報導話可以真係寫封信叫郵遞公司十年後寄比你，定還是網頁呢...唔記得了...22歲就咁無記性，32的你還好嗎?你記得你的十八廿二係點過嘛? 我依家係加拿大exchange緊，想寫，因為今日同朋友講開，原來出年(2個月後)2008了，我一直只當新一年是「一月」，我無諗過係2008年。好大個了。又因為看了一個寫了十年前後的網誌，又勾起我條筋(唔係根)，對，22的你就係咁無聊架啦，都仲係好血氣方剛的，32的你應該還有心有力，hopefully50歲前你還要有sextivity的，請好好調理身體，及調理他人身體。希望三張的你還有閒情逸緻講無聊笑話及有人陪你witty對話，自問自答不是太好笑。

蘇3，我最想知關於十年後自己的事，當然是感情事了。你知啦，我咁少女，就算十年後的你都不過是個中女，離熟女還未有耐。你身邊有個人未呀?你同佢仲有聯絡嗎?廿二的你從year 1暑假開始鍾意左一個人，到year4都仲係好鍾意好鍾意，你每晚臨瞓都仲係諗住佢，你覺得，這是愛了。但係佢唔鍾意你呀。你可唔可以話我知你到幾多歲先無再掛佢掛到傻呀，你可唔可以話我知你幾時先搵到個好鍾意好鍾意既人呀...你可唔可以話我知你之後遇到既人之中，有無一個係可以令你咁死心塌地咁義無反顧架?廿二的你覺得自己無可能搵到個咁鍾意既人啦...你睇到既時候係會覺得當日既自己傻仔，定係慨嘆自己咁有先見之明? 你拍過幾多次拖分過幾多次手? 你同佢仲有聯絡嗎...?希望你有...我知你睇到呢度一定會好掛住佢架...你身邊那個人(如果有的話)，你愛佢嘛? 你係想同佢一齊，還是只想有個人喺自己身邊? 廿二既你係鍾意佢個人，唔係鍾意拍拖既感覺...你的堅持原則還健在嗎?你還烈女嗎?你會唔會做過好多令自己後悔既決定? 廿二的你覺得，每個決定都係當時你覺得最好最有理由既選擇，廿二的你不後悔。你同自己講，要move on，要做個好朋友，要同佢keep到做好朋友，因為你想三四十歲既時候仲可以做佢既好朋友，可以得閒飲茶食飯吹水甚至double date，可以做佢仔女既favourite uncle...你記得自己講過咁樣對佢係最好的嗎? 你想佢幸福快樂無風無浪。你還是喜歡愛人多於被愛嗎? 我知你睇返會覺得，再離過既日子，你都過左啦，回望總係容易過實戰，我唔係想勾起你的傷心事，我係想話你知，你廿二歲已經搵到個令你有過「不枉此生」感覺的人，唔好覺得上天對你唔公平，其實係公平架，你難搵到情人，所以一黎就整個咁好既比你。友情從來都比愛情長壽，你知格。

朋友才可以幻想十年後聚會一齊八一齊玩一齊SEX AND THE CITY。

到時大家都真係SEX AND THE CITY既年紀了。也應該個個都有更多實戰經驗了吧。千祈唔好變了Charlotte，好悶的。朋友方面我倒是不太擔心，大家都係有心keep，一定會友誼萬歲的。我有7A，有GAP，有happy family, 有TRA MATES, 有莊員，有仔女，仲有好多好多女好開心識到佢地既好朋友。都說上天是公平的，因為你係你，先識到佢地。我相信三十幾的你地仍然係好好感情，仍然會互相支持，仍然會講低能笑話，面對既野可能唔同左，經歷可能多左，但係大家都係一樣的。我們都要健康快樂。你們都要。你們都會去唱k，會唱半成年，會唱懷舊金曲(即係今日既hit歌)。你們都會點勁歌金曲最後唱，唔好蝕比佢。廿二的你，覺得這班朋友都令你有不枉此生的驕傲，三十二的你可以話比四十二的你聽。

還有你的屋企人。你有無乖仔有無生性照顧父母細佬?你有無同媽咪食TEA? 你繼承父業定係自己打緊工?你也很愛他們的。希望三十的你仍然和父母關係良好。要錫多D屋企人呀。有無帶另一半比爸爸媽咪過目呀? 我希望你可以。JOJO點呀...?我好擔心佢，希望佢生生性性啦。最好佢成左家立埋室啦，咁我唔駛煩...唔係喎...佢得29歲，仲好後生啫...睇定D好。

同埋我想問...你做緊乜工? 最好你話我知你中左六合彩，淨收息都夠下半世唔駛憂，你係咁倚投資下又賺左，於是成立幾個慈善基金回饋下社會，開左間CAFE平時同班friends hea(你仲知hea係乜架可)。不過我都知唔會架啦，等我提下你未比社會殘酷現實責成一塊餅前你想做乜啦。你細個想過做既有: 畫家，漫畫家，插畫師，作家，設計師，律師(一號皇庭影響呀唔該)，偵探(...=_=你覺得好型)，演員，歌手，明星，歌星(同演員歌手唔同的)，記者，廣告，影評，主持，主播，新聞報導，到你開始向現實低頭，覺得以上種種都搵唔到食，自己又無料到做唔到，你就開始退一步，理想現實中間踩鋼線，想做電影字幕翻譯啦，雖然都係未必搵到食...不過起碼後生既你係覺得...你係真係鍾意同肯做既...你唔好放棄呀下我話你知，你起碼要send過CV比TVB同各大電影公司呀下...唔得都叫試過呀下。

差D唔記得，希望你三十幾都唔好中年發福啦，有錢財身材買衫襯衫，有頭髮整頭(你有無試過爆炸頭啫），大吉利是開始甩就好skin head佢啦知嘛。同埋希望你仲得閒睇下戲呀電視呀聽下歌咁啦...你依家最愛既電影都仲係Titanic, Brokeback Mountain同 Hairspray，你一路寫一路聽Hairspray張soundtrack聽緊第3次...成3粒鐘啦...不過你好享受寫野。你鍾意wyman, 追緊desperate housewives, ugly betty, heroes同prison break仲有gossip girl, all time favorite係friends, sex and the city, dark angel同felicity。唔好唔記得呀，我閒搵返套complete series出黎睇啦...希望你有買啦。

打左好耐，唔講啦，你自己保重，得閒又寫比呀42歲蘇甘霖啦。

祝: 幸福快樂

廿二歲仍然青春無敵的你

2007年10月28日
13:48

p.s.雖然有起有落，你的生活還是樂的多，有喜有樂，要記住呀。love you>3<

Disney Sequels

2007-10-21T23:33:00.000-07:00

星期一交paper...hea住咁睇readings,之後忍唔住去左睇youtube同imdb
睇下又link下睇左4個幾鍾...
份paper未開始...不過頭先的起心肝jot 左d notes
應該夠聽日寫...聽日先算...

不過好開心呀~~~~話說呢排唔知做乜好鍾意去youtube睇disney d 歌...睇返好多阿拉丁既CLIPS...
睇睇下又會睇下D related videos,今日仲睇埋wikipedia同imdb既相關info
因為睇到有little mermaid III....之前II我都未睇...
近年disney好興整d sequels比d disney classics...我都睇左唔少
據聞因為有利可圖，所以disney keep住拍
不過因為唔係for戲院上，d畫功係無咁好的...好多時都有走樣既問題...
little mermaid 3都好似走樣走得幾犀利...Cinderella II畫得好似原裝...不過故事鬆散...
Cinderella III故仔ok,不過畫得無咁似...其實好多人都幾反對DISNEY拍sequels
覺得會沾污原著...因為sequels一定無咁好 (公平D講sequels資源係少好多既)
不過我又覺得ok...因為我會當佢地係獨立故事睇...
D Classic係完左就完左，我唔會覺得sequels會沾污佢地既...
係多個Fantasy多個fairy tale je, 唔鍾意可以唔睇當無事發生過
不過有時D畫功真係幾令人失望...(BTW pocahotas2 係出乎意料地好睇)

其實我睇到咁遠係因為...就黎有一套真人加動畫既DISNEY MUSICAL~'' Enchanted''
熱烈期待中...不過我希望佢地唔好將個主角列入disney princess呀...
我覺得佢都唔似Disney princess既...佢似扮dinsey 既princess...

其實我係鍾意有人既disney animation, 所以特別鍾意princess系列...
加上佢地好多都係musical style...不過近來disney focus係3d...
我已經餓左2d/princess/fairy tale好耐...好期待enchanted...
不過更開心既係~~~~原來disney會拍rapunzel~!!!!!!!即係長髮姑娘~!!!!
I like this story ar!!!!!!!終於有另一個fairy tale la...
另外仲有一套the frog princess...不過同青蛙王子無關...
係2d...不過好似係講20年代的...我都係對once upon a time既故仔有興趣d...
disney既fairy tales簡直係陪伴我成長...好期待ar~!!!!!!
原來我都仲係好鍾意disney的...haha...
希望快d有得睇la...好耐無去戲院睇fairy tale既disney la....對上一套...
好似係花木蘭...我好似去戲院睇左3次...我覺得係近年比較好睇既DISNEY 2D...
對上一套睇既DISNEY 3D應該係incredibles lu...
好期待~~~~~!!!!!!!!好似09年先有得睇...
好期待~~~~~

好野我又打左成篇同加拿大生活無關既ENTRY...又無做PAPER...
仲要天光啦...=_='''

另一樣開心係...當我jot完notes好暈諗住瞓...你就出現了...

光榮之家

2007-08-11T01:21:00.000-07:00

我的家很擠迫迫得差點我也放不下。

剛剛執天台，想要甩掉不要的東西。翻箱倒「籠」，翻出了很多很多東西，包括許多真正80s真正復古真正retro的七八十年代衫褲，爸爸媽媽細佬還有我的都有，原來當年女裝cutting都很闊,我找到一件粉紅polo(當然沒有錢買ralph lauren，我現在都不捨得買)，洗洗後我應該穿得上，修身剪裁似乎是80年代後的事。另外找到了一件檸檬黃的polo(giodano的), 應該是爸爸當年的衣服，印象中爸穿的都是黑灰杏色，暗姣也未試過，如此鮮色的少見，洗乾淨應該起碼可以在家中穿。

衣物中還有很多件好像是裙但其實是上衣的東西，膊頭位都很橫，又有一些近幾年都時興過的衣飾，legging，現在興，工人褲也是早前還有很多妹妹仔穿的，又有好些很長的衫裙，我都不知我媽甚麼時候長這麼高過。又有許多很細件頭腰圍很細的短裙，我覺得只有20吋，比盡，24吋吧，都是媽年輕時的衣裝，一句句「原來喺度」，「我著住件衫抱住你影嗰幅相仲喺度」，然後是「...都係比人啦」，「回收啦」，其實我知道她很不捨得，但天台要拆，沒辦法，東西總要找個歸宿。那些都是青春都是回憶，我都明白。衣服我也許不太有記憶，除了某些我小時候常穿的翻版卡通燙畫tee(有龍貓snoopy 叮噹白雪公主)，其他我都不太記得，那些細細件的bb衫，我覺得似比公仔著的多些(其實真係幾得意的，原來我曾經咁細粒，我都keep左幾套)，我本著尋寶心情又找到了一件爸後生時的外套，好似好暖，我打算去加拿大時著，仲好似好型，件衫唔型的話，我覺得件事已經夠型。

這件有紀念價值，那件不捨得掉，這件洗下可以在家穿......執執執幾小時下來可以甩的其實不多，我很明白媽不捨得的感覺，除了回憶，還有很多一去不復返的「青春無敵」，我很記得媽媽說過，「以前有身材就無錢買衫，依家叫捨得買，又無身材著」。不知是不是這原因，我發覺原來我從小就有很多很多衫......原來「好多衫」不是今天才發生的事。當然當中很大部份是表哥們穿過的舊衣，爸爸當年駕小巴，併命做都是剛剛好吧，都不會有很多餘錢買衫，而小朋友大得快，買得多也實在不環保，不過買下買下又有親戚比下比下，都有很多就是了。也許就是得來不易，每件衫都天令人記得它的來歷，穿著時發生過的事，應該不會有今天的「買左都唔記得」的情況。其實我很像媽媽，我也是keep多過甩的。留戀的從來不是物件，是背後的紀念，有一刻很明白保衛皇后碼頭人士的心情，也許當天跟他們在碼頭看日落的人都嫁了別人了，都不在了，都去會曾灶財去會英瑪煲曼了，有的只剩碼頭，林夕說，「原來悼念竟倚賴眼睛」，是真的，沒有了實物我們不知把回憶放到哪裡去，漸漸地那些朝思暮想那些依依不捨，都不知飄到哪兒去了。我知總有一天，我會放得低你。我知我知，我知。但我像媽媽，我懷舊，我不捨，放不低，都是基因的錯。我從來都像我媽媽，或者是像女人，想太多，易感傷，婆媽，這樣說來可能有點像王貽興。但這都是我，我也改不了。還很長氣。有感情依附的，或是這些回憶的棲身之所，我不捨得放，wyman說，「原諒我懷舊」。

執拾過程中又發現很多書簿，有筆跡的作文呀free writing呀我最不捨得甩，部份還畫了圖，又找回很多無聊時畫的畫，從詞語簿（小學時是叫詞語簿的）又發現了自己字體不同階段的變化，有扮工整正直四四方方的「蕭俊傑」體（他是小學同學），有之後扮靚扮秀麗的施韻體(她是自幼稚園的好朋友)，不知為什麼總要模仿別人寫字，覺得靚就學。那些作文，懶有頭有尾，懶抒情而且開頭要用倒敘法，很叫人毛管戙，很stephy，很小學生，但都是我，7下7下，有時回想都覺得自己當時很白痴很老土(更恐怖是覺得現在仍然如此)，但我知道在可能範圍內我都做到最好了。有時覺得自己很次貨，而某人不喜歡我也實在是情有可原，其實真的無須如此悲情，甚至不用悲憤地自我慛眠認為你不識貨，我大把人要，實情是，路直路彎，道不同不相為謀而已，有個迥旋處讓我會一會你，我有賺了，或是，你有賺，好，winwin。

2007年8月11日

十分喜歡一個人時做的傻事 (一)

2007-06-13T13:45:00.000-07:00

1.將佢寫o既xanga由近到遠睇一次，睇到尾(即係佢寫o既第一篇)為止
2.臨訓前掛住佢
3.訓緊夢見佢
4.訓醒想見佢
5.聽sweet情歌諗起同佢o既sweet o野
6.聽慘情歌諗起同佢o既傷心事
7.聽佢鍾意o既歌手，諗起佢
8.聽佢鍾意o既歌種，諗起佢
9.聽佢唔鍾意o既歌種，諗起佢(跟手熄o左佢/轉台) (除非係令你諗起佢o既sweet/慘情歌)
10.覺得同佢一齊o既戲特別好睇，食o既o野特別好食，白痴無聊o野特別sweet
11.覺得佢o既側面係全世界最靚o既，佢個嘴打側睇係心型o既，
而佢唔可以見到自己側面係一大遺憾
12.同理，訓覺個樣都係
13.唔會delete佢send比你o既sms/msn history/email，
就算係'where r u?' 'lesson' 之類，都唔捨得delete
14.將msn/icq history copy落xanga private post
15.對佢鍾意o既o野(衣食住行都係)特別敏感，佢鍾意o既國家，飲品，小習慣等等
16.覺得佢一切唔好o既o野，都唔係唔好o既
17.佢鍾意飲咖啡，你會一路叫佢唔好飲o甘多，咖啡因對身體唔好，
一路見到百佳做特價買定比佢跟手幫佢雪埋，等佢唔駛忽然想飲無得飲
或者突登落街比錢'gum'機
18.佢無手尾，係率性o既表現，d o野周圍放，係free spirited
佢搵唔到要搵o既o野，你會一路話佢一路幫手搵，如果快過佢搵到，
會一副「都叫你有d手尾ga la」o既衰樣，實際上個心係好甜o既
19.無論份assignment幾趕，都有時間同佢講兩嘴，嗲下佢，把口話好多o野做，但係個身唔肯走20.成日驚佢有乜冬瓜豆腐(touchwood)，寧願自己有事，又驚佢會傷心，更驚佢唔傷心
21.想佢好多過想自己好
22.驚有狂蜂浪蝶埋佢身，佢講，你呷醋，佢唔講，你驚
23.如果自己有狂蜂浪蝶，即刻話佢聽，想佢呷醋，而佢通常都懶懶閒
24.你會想將你同佢所有sweet o野都記低，甚至寫篇xanga，然後發覺跟本寫唔o西

仲有太多，得閒寫過
想寫低，因為覺得，可能以後都唔可能o甘愛一個人嘞
可能會遇到更愛更夾更開心
但第一次o既震撼開o左樽就走o左氣
無o左氣o既汽水，只係一pat甜爺爺o既糖漿
之前聽人講，話預o左第日結婚o個個唔係最鍾意o個個
覺得好恐怖
但係愈大愈覺得好有可能
第日同你做人世o個個可能唔係你o既最愛
而你做o左同人過人世o個個，都可能唔係佢最愛
唔係話假，唔係屈就，可能係compromise
最真最盡o個次可能一開始就無o左
起跑去得太盡，之後根本無力再去
唯有o係exhaustion之中嘗試行去終點
如果唔係要自己一個'noun'去已經好好彩
我唔知想講乜shit